Հայաստանի և Մոնղոլիայի ԱԳ նախարարները մտքեր են փոխանակել Շանհայի համագործակցության կազմակերպության շրջանակներում փոխգործակցության շուրջ

Նյու Յորքում ՀՀ ԱԳ նախարար Արարատ Միրզոյանը հանդիպում է ունեցել Մոնղոլիայի ԱԳ նախարար Բատմունխ Բատցեցեգի հետ: Այս մասին տեղեկացնում է ԱԳ նախարարությունը:

Զրուցակիցները քննարկել են երկկողմ հարաբերությունների ընդլայնման և  փոխադարձ հետաքրքրություն ներկայացնող ոլորտներում կոնկրետ նախաձեռնությունների կյանքի կոչման հնարավորությունները։ 

Նախարար Միրզոյանն ընդգծել է, որ երկկողմ իրավապայմանագրային դաշտի հետագա ընդլայնման, ոլորտային համագործակցության ներուժի առավելագույնս իրացման հարցում առկա պատրաստակամությունն ու նախադրյալները։ 

Հայաստանի և Մոնղոլիայի ԱԳ նախարարները մտքեր են փոխանակել բազմակողմ հարթակներում, այդ թվում՝ Շանհայի համագործակցության կազմակերպության շրջանակներում փոխգործակցության հարցերի շուրջ։