Այսօր երեկոյան Միլանի Լա Սկալա թատրոնում տեղի կունենա FIFA the Best մրցանակաբաշխությունը: Տարվա լավագույն ֆուտբոլիստի կոչմանը հավակնում են Վիրջիլ վան Դեյկը, Լիոնել Մեսսին և Կրիշտիանու Ռոնալդուն: 2019-ի լավագույն դարպասապահի տիտղոսի համար պայքարում են «Լիվերպուլի» դարպասապահ Ալիսսոնը, «Մանչեսթեր Սիթիի» դարպասապահ Էդերսոնը և «Բարսելոնան» ներկայացնող Մարկ-Անդրե տեր Շտեգենը: Տարվա լավագույն մարզչի կոչմանը հավակնում են Մաուրիսիո Պոչետինոն՝ «Տոտենհեմ», Յուրգեն Կլոպը՝ «Լիվերպուլ» և Պեպ Գվարդիոլան՝ «Մանչեսթեր Սիթի» ակումբներից:
