Իրանի հետ բանակցելու պատրաստակամության մասին ԱՄՆ հայտարարությունները խաբեություն են։ Այդ մասին հայտարարել է Իսլամական Հանրապետության գերագույն առաջնորդ այաթոլլա Ալի Խամենեին։
«Այն, որ ԱՄՆ նախագահը խոսում է Իրանի հետ բանակցելու իր պատրաստակամության մասին և հրավիրում է բանակցությունների, խաբեություն է համաշխարհային հասարակական կարծիքի համար: Մենք մի քանի տարի առաջ բանակցում էինք, և այդ նույն անձը պատռեց ու դեն նետեց ավարտված, ստորագրված փաստաթուղթը: Ի՞նչ բանակցություններ պետք է վարվեն, եթե գիտենք, որ դրանք չեն աշխատելու: Հետևաբար բանակցությունների կոչերն ու դրանց մասին հայտարարությունները հասարակական կարծիքի խաբեություն են»,- Խամենեիի խոսքը մեջբերել է ISNA գործակալությունը։
