Վրաստանի խորհրդարանի նախագահ Շալվա Պապուաշվիլին հայտնել է, որ վաղը՝ հոկտեմբերի 26-ին, խորհրդարանը կնշանակի նախագահի ընտրության օրը։
«Մենք պետք է նախագահ ընտրենք հինգ տարի ժամկետով, իսկ դրա համար կարևոր է, որ ընտրությունն ու երդմնակալությունը տեղի ունենան այս տարի», - լրագրողներին ասել է Պապուաշվիլին։
Վրաստանում սահմանադրության փոփոխություններից հետո նախագահին առաջին անգամ կընտրեն ոչ թե քաղաքացիները, այլ 300 ընտրիչների կոլեգիան, որում կընդգրկվեն նոր գումարման խորհրդարանի պատգամավորներ, տեղական իշխանությունների ներկայացուցիչներ և քաղաքական կուսակցությունների թեկնածուներ՝ համամասնական քվոտաներով։
Խորհրդարանի ընտրությունում հաղթած «Վրացական երազանքը» դեռ չի քննարկել երկրի նախագահի պաշտոնի թեկնածությունը, հայտարարել է կուսակցության գործադիր քարտուղար Մամուկա Մդինարաձեն։
