Հետազոտվել են միջպետական նշանակության 291.9 և հանրապետական նշանակության 371.15 կմ ավտոճանապարհներ
«Ճանապարհային դեպարտամենտ» հիմնադրամի գույքագրման և ծրագրերի մշակման բաժինը 2024 թվականի երրորդ եռամսյակում հավաքագրել է ՀՀ միջպետական և հանրապետական նշանակության ավտոճանապարհների մոտ 663կմ ընդհանուր երկարությամբ առանձին հատվածների ծածկի վիճակի տեխնիկական տվյալները։ Այս մասին տեղեկացնում է «Ճանապարհային դեպարտամենտը»:
Հետազոտվել են միջպետական նշանակության 291.9կմ և հանրապետական նշանակության 371.15կմ ավտոմոբիլային ճանապարհներ։ Ուսումնասիրությունները կատարվել են ակնադիտական և գործիքային մեթոդներով (IRI միջազգային անհարթության գործակցի որոշում)։
Հավաքագրված տվյալներն ընթացիկ վերլուծության ենթարկելուց հետո մուտքագրվում են HDM տնտեսագիտական վերլուծության մոդելում՝ կարճաժամկետ, միջնաժամկետ և երկարաժամկետ վերականգնողական ծրագրեր մշակելու նպատակով։
