Առաջիկա օրերին սպասվում են անձրև և ամպրոպ. ջերմաստիճանը աստիճանաբար կնվազի

Սեպտեմբերի 16-ին երեկոյան ժամերին հանրապետության առանձին շրջաններում, 17-21-ը՝ շրջանների զգալի մասում ժամանակ առ ժամանակ սպասվում են անձրև և ամպրոպ, սեպտեմբերի 17-ին և 19-20-ը առանձին վայրերում՝ ինտենսիվ։ Առանձին վայրերում՝ նաև մառախուղ։

Քամին՝ հյուսիսարևմտյան՝ 2-5 մ/վ, ամպրոպի ժամանակ սպասվում է քամու ուժգնացում 18-22 մ/վ արագությամբ։

Օդի ջերմաստիճանը սեպտեմբերի 17-ի ցերեկը կնվազի 3-6, 19-20-ը՝ ևս 5-7 աստիճանով։

Երևանում՝ սեպտեմբերի 16-ին երեկոյան ժամերին, 17-21-ը՝ ժամանակ առ ժամանակ սպասվում են անձրև և ամպրոպ, ամպրոպի ժամանակ նաև քամու ուժգնացում՝ 18-21 մ/վ արագությամբ։