Ռուսաստանի Պետդուման հաստատել է Միխայիլ Միշուստինի թեկնածությունը կառավարության ղեկավարի պաշտոնում: Ավելի վաղ նրա թեկնածությունը Պետդումային էր ներկայացրել Վլադիմիր Պուտինը: Միշուստինի օգտին է քվեարկել 375 պատգամավոր, ձեռնպահ է մնացել 57-ը, ոչ ոք դեմ չի քվեարկել:
Միշուստինը շնորհակալություն է հայտնել պատգամավորներին, նշել է, որ այդ քայլով իրենք աջակցել են նախագահ Վլադիմիր Պուտինի որոշմանը: Նա հավելել է, որ փոխվարչապետների և նախարարների թեկնածության քննարկումը Պետդումայում տեղի կունենա առաջիկա օրերին:
Միշուստինը ՌԴ վարչապետի պաշտոնը զբաղեցնում է 2020 թվականի հունվարից։ Նա Ռուսաստանի կառավարության 14-րդ ղեկավարն է և չորրորդ վարչապետը, որը վերընտրվել է այդ պաշտոնում:
Միջազգային նորությունները՝ Դավիթ Մուրադյանի ռեպորտաժում։
