Փետրվարի 7-ին Ադրբեջանում տեղի կունենա նախագահի արտահերթ ընտրությունը: Թեկնածուներին հատկացված քարոզարշավի ժամանակը սպառվել է, այսօր Ադրբեջանում լռության օր է։ Ընտրություններին մասնակցում է յոթ թեկնածու, այդ թվում՝ նախագահ Իլհամ Ալիևը: Ադրբեջանի Կենտրոնական ընտրական հանձնաժողովի նախագահը հայտարարել է, որ ընտրական գործընթացը լուսաբանելու համար դիմել է 63 լրատվամիջոցի 119 լրագրող։ Նրա խոսքով՝ հավատարմագրվել է 790 միջազգային դիտորդ։
Ադրբեջանի իշխանություններն ամեն կերպ փորձում են ընտրությունը ներկայացնել որպես ժողովրդավարական, մրցակցային, ազատ և արդար: Իրականում, սակայն, ընդդիմությունը հայտարարել է ընտրությունը բոյկոտելու մասին՝ նշելով, որ դրա արդյունքն ակնհայտ է: Բացի դրանից՝ նախագահի արտահերթ ընտրության համար միջազգային դիտորդներ ուղարկելու խնդրանքով Բաքուն չի դիմել ո՛չ Եվրախորհրդարանին, ոչ ԵԽԽՎ-ին:
Մանրամասները՝ ռեպորտաժում:
