Ուկրաինայի իշխանությունը հայտնել է, որ ռուսական բանակը տասնյակ օդաչուներով թիրախավորել է Խերսոնը, այդ թվում՝ երկաթուղային կայարանը, որտեղ հարվածի պահին 140 քաղաքացիների տարհանող գնացք է կայանված եղել: Մեկ մարդ զոհվել է, չորսը՝ վիրավորվել։ Ռուսական կողմի հարվածներից տուժել են նաև Խերսոնի բնակելի շրջաններ, կան վիրավորներ: Օդեսայում էլ հայտնի է մեկ զոհի մասին: Ռուսական կողմը հայտնել է Ռոստովի և Բելգորոդի շրջաններում անօդաչու թռչող սարքերի խոցման մասին: Զոհերի կամ ավերածությունների մասին տեղեկություններ չկան: Ռուսաստանի պաշտպանության նախարարությունը տեղի ունեցածի համար մեղադրել է ուկրաինական ուժերին: Բարդ իրավիճակ է մարտի դաշտում: Ուկրաինայի զինված ուժերի ցամաքային զորքերի հրամանատար Ալեքսանդր Սիրսկիի խոսքով՝ ռուսական կողմը հարձակողական ինտենսիվ գործողություններ է իրականացնում, մասնավորապես, Կուպյանսկի, Լիմանի, Բախմուտի ուղղություններում։ Նա հավելել է, որ ուկրաինական կողմն անում է հնարավորը՝ ուժեղացնելու պաշտպանությունը:
Միջազգային նորությունները` Դիանա Գասպարյանի ռեպորտաժում:
