Ermənistanla Türkiyə arasında münasibətlərin normallaşması prosesində irəliləyiş var. Bu barədə ER Xarici İşlər naziri Ararat Mirzoyan Parlamentdə məlumat verib.
“Proses ilkin şərtsizdir və eyni zamanda, Türkiyə tərəfi bunu daim Azərbaycanla münasibətlərin normallaşması ilə əlaqələndirir ki, bu da müəyyən mənada ilkin şərtə bənzəyir. Lakin bu bəyanatlara paralel olaraq, ilk növbədə, xüsusi nümayəndələr səviyyəsində, həm də o səviyyədən kənarda, müəyyən qədər peşəkar iştirakla çox konkret müzakirələr gedir. Söhbət bir neçə konkret addımdan gedir, o cümlədən diplomatik pasportu olan şəxslər üçün sərhədin açılması, eləcə də üçüncü ölkə vətəndaşları üçün sərhədin açılması”, - deyə Mirzoyan bildirib.
Mirzoyan qeyd edib ki, irəliləyiş var, söhbət davam edir.
“Və onu da deyə bilərəm ki, yaxın gələcəkdə müsbət nəticələrin olacağını gözləyirəm və ümid edirəm”, - deyə Mirzoyan yekunlaşdırıb.
