Ermənistanda ATƏT-ə münasibətdə əvvəllər formalaşmış təsəvvürlər və gözləntilər dəyişir, indi erməni tərəfi təşkilatla əməkdaşlığın yeni istiqamətlərini işləyib hazırlamağa çalışır. Bunu ATƏT-in fəaliyyətdə olan sədri, İsveçrə Konfederasiyasının Xarici Əlaqələr üzrə Federal Departamentinin rəhbəri İqnasio Kassis ilə görüşdən sonra Ermənistanın xarici işlər və beynəlxalq ticarət naziri Ararat Mirzoyan bildirib.
“Bu gün Ermənistan-ATƏT əməkdaşlığının gündəliyinə, regional inkişaflara toxunduq. Əlbəttə, Ermənistanda bərqərar olmuş, Cənubi Qafqazda Ermənistanla Azərbaycan arasında bərqərar olmuş sülhdən, formalaşmaqda olan əməkdaşlıqdan danışdıq. Naziri son inkişaflar barədə məlumatlandırdım.
Bərqərar olmuş sülhü də nəzərə alaraq, aydındır ki, ATƏT-in özü Ermənistan üçün Ermənistanda mövcud olmuş təsəvvürləri və ATƏT ətrafında, ATƏT-ə münasibətdə mövcud olmuş gözləntiləri dəyişir. İndi düşünürük ki, necə yeni təşəbbüslər irəli sürək, yeni proqramlar hazırlayaq”, - deyə o bildirib.
