Ermənistan-Latviya turizm sahəsində əməkdaşlıq imkanları müzakirə olunub

Turizm Komitəsinin sədri Lusine Gevorgyan Latviya Respublikasının Ermənistan Respublikasındakı fövqəladə və səlahiyyətli səfiri Edite Medne və Latviyanın Ermənistan Respublikasındakı fəxri konsulu Armen Qasaboğlyan ilə görüşüb.

Tərəflər mayın 2-dən etibarən “Air Baltic” şirkətinin Yerevan-Riqa-Yerevan birbaşa reyslərinə başlamasını alqışlayıblar və onların ikitərəfli turist səfərləri, münasibətlərin inkişafı və mədəniyyətlərarası ünsiyyətin təmin edilməsi üçün əhəmiyyətini qeyd ediblər.

Görüş zamanı Ermənistan-Latviya turizm sahəsində əməkdaşlıq imkanları, o cümlədən uçuşların başlamasından əvvəl müvafiq tədbirlərin təşkili müzakirə edilib.