Ermənistan hökuməti qadınların təhlükəsizlik sektoruna cəlb olunmasını genişləndirmək üçün fəal addımlar atır: Armen Qriqoryan

Noyabrın 28-də Ermənistan Təhlükəsizlik Şurasının katibi Armen Qriqoryan NATO baş katibinin qadınlar, sülh və təhlükəsizlik üzrə xüsusi nümayəndəsi İren Fellinin başçılıq etdiyi nümayəndə heyətini qəbul edib. Bu barədə Təhlükəsizlik Şurası məlumat yayıb.

Həmsöhbətin xahişi ilə Təhlükəsizlik Şurasının katibi Ermənistanda idarəçilik və qərar qəbuletmə proseslərində iştirak edən qadınlara dair göstəriciləri təqdim edərək, Ermənistan hökumətinin onların təhlükəsizlik sektorunda da iştirakını genişləndirmək üçün fəal addımlar atdığını vurğulayıb. Hər iki tərəf siyasətin hazırlanmasında, danışıqlarda və təhlükəsizlik məsələlərində qadınların iştirakının və səsinin eşidilməsinin vacibliyini vurğulayıblar.

Görüş zamanı tərəflər Ermənistan-NATO ikitərəfli əməkdaşlığının gündəliyi və cari proqramlarına da toxunublar.