KTMT-nin baş katibi İmanqali Tasmaqambetov Kollektiv Təhlükəsizlik Şurasından sonra keçirilən mətbuat konfransında bildirib ki, katiblik səviyyəsində müzakirə olunan və qəbul edilən bütün sənədlər barədə Ermənistanı məlumatlandırırlar.
“Onlar müzakirədə iştirak etmirlər, lakin bu gün Kollektiv Təhlükəsizlik Şurasında baş verdiyi kimi, bu sənədlərin məhdud formatda qəbul edilməsinə mane olmurlar. Bütün bu sənədlər Ermənistana göndərilib, onlara məlumat verilib. Biz onlardan bu sənədlərin məhdud formatda qəbul edilməsinə qarşı olmadıqları barədə sənəd almışıq”, - deyə rəsmi bildirib.
Tasmaqambetov qeyd edib ki, Ermənistanın KTMT-də iştirakı məsələsi gündəmdən çıxarılmır. O qeyd edib ki, Ermənistan müstəqil suveren dövlətdir və bu və ya digər təşkilata qoşulmaq və ya onun fəaliyyətini dayandırmaq hüququna malikdir.
