Ermənistanın ABŞ-dakı səfiri Narek Mkrtçyan ABŞ senatoru Stiv Deyns (respublikaçı) ilə görüşüb. Bu barədə səfirlik məlumat yayıb.
Görüş zamanı Ermənistan-ABŞ ikitərəfli gündəliyi və strateji tərəfdaşlığın inkişaf perspektivləri müzakirə edilib.
Həmsöhbətlər avqustun 8-də Vaşinqtonda keçirilən üçtərəfli görüşə və imzalanmış sənədlərə, həmçinin TRİPP proqramının həyata keçirilməsinin yaratdığı regionlararası əməkdaşlıq üçün yeni imkanlara da toxunublar.
Səfir Mkrtçyan Cənubi Qafqazda sülhün bərqərar olunmasında göstərdiyi dəstəyə görə senator Deynsə minnətdarlığını bildirib.
