Sentyabrın 24-də Ermənistan Respublikası Təhlükəsizlik Şurasının katibi Armen Qriqoryan “Save Armenia” Yəhudi-Xristian İttifaqının nümayəndə heyətini qəbul edib. Bu barədə Təhlükəsizlik Şurasının Aparatı məlumat yayıb.
TŞ katibi nümayəndə heyətinin Ermənistana səfərini alqışlayıb və əməkdaşlığın davam etdirilməsinin vacibliyini vurğulayıb.
Nümayəndə heyəti üzvlərinin xahişi ilə Armen Qriqoryan Ermənistan və Azərbaycan arasında münasibətlərin normallaşdırılması prosesində Vaşinqtonda əldə edilmiş razılaşmaları, Ermənistanın sülhün institusionallaşdırılması istiqamətində gələcək addımlara baxışını, həmçinin regional əlaqələrin genişləndirilməsi kontekstində “Beynəlxalq sülh və rifah üçün Tramp yolu” proqramının əhəmiyyətini təqdim edib.
İclasın ikinci hissəsində Təhlükəsizlik Şurasının katibi iclasda iştirak edənlərin suallarını cavablandırıb.
