Sentyabrın 12-də Berlində işgüzar səfərdə olan Ermənistan Respublikası Təhlükəsizlik Şurasının katibi Armen Qriqoryan Almaniya Federativ Respublikasının Federal Xarici İşlər Nazirliyinin dövlət katibi Geza Andreas fon Geiri ilə görüşüb.
Görüşdə Təhlükəsizlik Şurasının katibi Vaşinqtonda imzalanmış sazişlərin nəticələrini və yaradılacaq iqtisadi imkanları təqdim edib. Dövlət katibi də öz növbəsində Ermənistan hökumətinin regionda sabit və davamlı sülhün təmin edilməsinə yönəlmiş səylərini yüksək qiymətləndirib.
Tərəflər Ermənistan-Almaniya ikitərəfli münasibətlərinin inkişafı üçün gündəliyi müzakirə ediblər. Enerji sahəsində əməkdaşlıq və gündəlikdəki digər məsələlər də müzakirə olunub.
