Sentyabrın 8-10-da Ermənistan Respublikasının nümayəndə heyəti Əddis-Əbəbədə keçirilən ikinci Afrika İqlim Sammitində iştirak etmişdir. Bu barədə ER Xarici İşlər Nazirliyi məlumat yayıb.
BMT-nin Bioloji Müxtəliflik Konvensiyasının Tərəflərinin 17-ci Konfransı (COP17) üzrə ER Xarici İşlər Nazirliyinin danışıqlar qrupunun rəhbəri, səfir Mher Margaryan çıxışında Ermənistanın afrikalı tərəfdaşlarla əməkdaşlığı dərinləşdirməyə hazır olduğunu vurğulayaraq, biomüxtəliflik sahəsində ümumi çağırışları və üst-üstə düşən maraqları vurğulayıb.
Mher Margaryan həmçinin Ermənistanın 2026-cı ilə planlaşdırılan COP17-yə sədrliyi çərçivəsində həssas regionların problemlərini qaldırmaq, inklüziv tərəfdaşlıqları təşviq etmək və beynəlxalq maliyyə resurslarını səfərbər etmək üçün addımlar atmağa hazır olduğunu təsdiqləyib.
Səfər zamanı səfir Margaryan afrikalı tərəfdaşlarla, o cümlədən COP17 konfransı çərçivəsində əməkdaşlığın inkişaf etdirilməsi imkanlarını nəzərdən keçirmək üçün ikitərəfli görüşlər keçirib.
