Avqustun 20-də Ermənistanın xarici işlər naziri Ararat Mirzoyan İspaniyanın xarici işlər, Aİ və əməkdaşlıq naziri Xose Manuel Albareslə telefon danışığı aparıb. Bu barədə ER XİN məlumat yayıb.
Həmsöhbətlər Ermənistan və İspaniya arasında tərəfdaşlığın inkişafına, o cümlədən yüksək səviyyəli ikitərəfli səfərlər və Aİ platformasında fəal qarşılıqlı fəaliyyətə yönəlmiş işi müzakirə ediblər.
Regional məsələlərə toxunan nazir Mirzoyan Ermənistanla Azərbaycan arasında münasibətlərin normallaşması prosesi zamanı Vaşinqtonda əldə olunmuş razılaşmalarla bağlı İspaniyanın mühüm mesajına görə minnətdarlığını bildirib. Ermənistanın Cənubi Qafqazda davamlı sülhə nail olmaq əzmində olduğunu vurğulayan Ararat Mirzoyan regional kommunikasiyaların açılmasının yaratdığı imkanları təqdim edib.
