“Mətbuatda Türkiyənin Azərbaycanda hərbi baza yaratmaq planları ilə bağlı yayılan məlumatlar siyasi spekulyasiyadır. Deməliyəm ki, buna ehtiyac yoxdur, bu məlumatlar yalandır”, - deyə Azərbaycan Prezidenti Əliyev “Russia Today” media qrupunun baş direktoru Dmitri Kiselyova müsahibəsində bildirib.
O xatırladıb ki, Azərbaycanla Türkiyə arasında müttəfiqlik münasibətləri haqqında bəyannamədə təhdid və təcavüz halında qarşılıqlı hərbi yardımı nəzərdə tutan bənd var.
"Bu, həm Azərbaycanın, həm də Türkiyənin öhdəliyidir ki, əgər dövlətlərdən hər hansı biri xarici təhlükə, xarici təcavüzlə üzləşərsə, köməyə gəlmək lazımdır. Ona görə də bəyannamənin bu bəndi bu və ya digər ərazidə daimi hərbi infrastrukturun yaradılmasını tamamilə lüzumsuz edir", - deyə Əliyev qeyd edib.
Əliyev onu da vurğulayıb ki, Ankara sayəsində Bakı “hərbi əməliyyatların operativ səmərəliliyinin yüksək səviyyəsinə” çatıb.
