Azərbaycanda jurnalistlərə qarşı təqiblər davam edir. Son məlumata görə, Bakı məhkəməsi Meydan TV-nin jurnalistləri Aynur Elgünəş, Aytac Tapdıq, Natiq Cavadlı, Xəyal Ağayev və müstəqil jurnalist Ramin Dekonu 4 ay müddətinə həbs edib. Meydan TV-nin fotomüxbiri Əhməd Muxtar da 20 sutka həbs edilib.
Onların hamısını qaçaqmalçılıqda ittiham edən jurnalistlər ittihamları rədd edərək, cinayət işini peşə fəaliyyətləri ilə əlaqələndiriblər.
“Meydan” TV ilə əməkdaşlıq edən jurnalistlərin həbsini dərin təəssüf hissi ilə qarşıladım. Azad və müstəqil mətbuat istənilən demokratiyanın mühüm elementidir. Jurnalistlər həbs, hədə və zorakılıq qorxusu olmadan məsələləri işıqlandıra bilməlidirlər”, - şənbə günü Böyük Britaniyanın Azərbaycandakı səfiri Ferqüs Old X platformasındakı hesabında yazıb.
