İran Xarici İşlər Nazirliyinin sözçüsü Nasir Kənani HƏMAS-ın siyasi bürosunun rəhbəri İsmayıl Haniyənin öldürülməsinə toxunaraq qeyd edib ki, İsrailin hərəkətləri beynəlxalq hüququn pozulmasıdır.
Onun sözlərinə görə, Tehranın İsraili cəzalandırmaq, onun milli təhlükəsizliyini və ərazi bütövlüyünü qorumaq hüququ var. Kənani əlavə edib ki, İran tərəfi artıq lazımi hüquqi və siyasi tədbirlər görüb.
İran Xarici İşlər Nazirliyinin sözçüsü həmçinin avqustun 7-də Ciddədə İslam Əməkdaşlıq Təşkilatının fövqəladə sessiyasının keçiriləcəyi barədə məlumat verib.
Kənani İsrailin regionda gərginliyi artırmağa çalışdığı və öz hərəkətlərini ABŞ-la əlaqələndirdiyi fikrini də dilə gətirib. Onun sözlərinə görə, Vaşinqton Təl-Əvivə dəstəyi dayandırmalıdır.
