Երկրորդ տարին անընդմեջ կորոնավիրուսի համավարակը փոխում է աշխարհի նախագծերը, չեղարկում տոնախմբություններն ու սպասվող միջոցառումները: Այնուամենայնիվ, մարդիկ շարունակում են ստեղծել իրենց տոնը՝ անգամ կորոնայի օրերին:
Ճապոնիայում նոր տարվա նախաշեմին, ավանդույթի համաձայն, սրբավայրերի հարակից տարածքում ցուցադրվում են բրնձից պատրաստված տորթեր: Այս տարի Հոնսյու կղզում ցուցադրված բրնձե տորթը կշռել է 700 կիլոգրամ: Ճապոնական ավանդույթի համաձայն՝ քաղցրը խորհրդանշում է բերք ու բարիք և երաշխավորում, որ հաջորդ տարին առատ է լինելու:
Նոր տարվան ընդառաջ ճապոնացիները նաև պատմամշակությաին կոթողների մաքրությամբ են զբաղվում: Սամուրայներն այս տարի Կումամոտոյի ամրոցն են մաքրել. հատուկ ցախավելներով նրանք հեռացրել են ամրոցի ճակատի փոշին ու բարեկարգել հարակից տարածքը:
Ռուսաստանում նոր տարուց առաջ մաքրում են հոգին, մտքերն ու մարմինը՝ շոգեբաղնիք այցելելով: Այս ավանդույթը դարերի պատմություն ունի, որին հավատարիմ հետևում են նաև այսօր: Շոգեբաղնիքում մի լավ տաքանալուց հետո մարմինն ու հոգին պետք է շոկի ենթարկել՝ ձյան մեջ թավալվելով:
Ի դեպ, Ռուսաստանն արդեն պատրաստ է հրաժեշտ տալու 2021-ին և դիմավորելու նոր տարուն: Երկրի մայրաքաղաքը ողողված է տոնական լույսներով՝ Մոսկվայում տեղադրվել են ավելի քան 4000 լուսային մաշտաբային դեկորացիաներ:
Էլ ինչ Նոր տարի՝ առանց թղթե հրավառության: Նյու Յորքի կենտրոնական հրապարակում պայթել են կոնֆետիները՝ բնակիչներին պարգևելեով տոնական տրամադրություն. սա միայն փորձնական փուլն է: Դեկտեմբերի 31-ի գիշերը սպասվում է իրական հրավառություն, երբ հրապարակը կհայտնվի գունավոր թղթերի տակ: Ավանդույթի համաձայն՝ այս օրերին նյույորքցիները նաև այրում են վատ հիշողություններն ու անցնող տարվա ընթացքում տեղի ունեցած տհաճ միջադեպերը:
Շվեյցարիայում Նոր տարվա նախաշեմին մարդիկ շտապում են Գրինդել-վալդ՝ լեռնադահուկային սպորտի ամենահայտնի գյուղը: Այս տարի, սակայն, եղանակն անականկալներ է մատուցել՝ձյան փոխարեն՝ անձրև պարգևելով:
Սատանայից ազատվելու և դրական էներգիայով լիցքավորվելու համար ռումինացիները պարել են արջի պարը: Փոքրից մեծ արջի կերպարանք են ստացել և ինքնամոռաց պարել:
Ռիո դե Ժանեյրոյի հայտնի Կոպակաբանա լողափում Նոր տարուց առաջ հարգանքի տուրք են մատուցել ծովերի թագուհուն: Աֆրիկայից սերող Ումբանդա կրոնի հետևորդները հագնում են սպիտակ զգեստներ, երգում և պարում ծովափին տեղադրված թագուհու արձանի շուրջ: Մասնակիցները ծաղիկներ, նամակներ, ոգելից խմիչքներ և այլ նվերներ են մատուցում աստվածուհուն, որը, նրանց համոզմամբ, օրհնում է բոլորին:
Պերուի շամաններն էլ Նոր տարուց առաջ հատուկ արարողություններով, երգով ու պարով խնդրել են, որ 2022 թվականին աշխարհը մոռանա կորոնավիրուսի մասին: Նրանք գուշակել են տնտեսական ճգնաժամ և պատերազմներ:
Արարատ Միրզոյանը մեկնել է ԱՄՆ՝ մասնակցելու ՄԱԿ-ի ԳԱ նստաշրջանի քննարկումներին
Կոբախիձեն և Էրդողանը քննարկել են Վրաստանի և Թուրքիայի ռազմավարական գործընկերությունը
Դանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳՄԱ նախարարի տեղակալին
ՀՀ քաղաքացիությունը արժեք է, որը հավասարապես պետք է կիսեն թե՛ քաղաքացին, թե՛ պետությունը․ ՆԳ նախարար
Մակրոնը հանդիպումներ է ունեցել Թրամփի և Զելենսկու հետ
Հասանք ինքնաթիռի մեր տեղին. Փաշինյան
Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է
Լուրեր 13:00 | «Գոլդեն Փելիս»-ին օտարված հողատարածքը կվերադարձվի Հայաստանի Հանրապետությանը
Այս օդանավով ենք թռչելու Նյու Յորք. Նիկոլ Փաշինյան
COP17 Week Dilijan-ը պաշտոնապես մեկնարկել է