Օրը՝ 60 վայրկյանում | 22.12.2021
Նիկոլ Փաշինյանն ու Արմեն Սարգսյանը անդրադարձ են կատարել Կառավարության ընթացիկ ծրագրերին, երկրի առջև ծառացած արտաքին ու ներքին մարտահրավերներին և դրանց հաղթահարմանը:
Հայաստանի վարչապետը և Ռուսաստանի փոխվարչապետը քննարկել են տրանսպորտային կոմունիկացիաների վերականգնման հեռանկարները:
Արմեն Գրիգորյանը և Ստանիսլավ Զասը քննարկել են սահմանագծումը և սահմանազատումը: Սուրեն Պապիկյանի հետ հանդիպմանն անդրադարձ է կատարվել Հայաստանի նախագահության փուլում ՀԱՊԿ գործունեության գերակա ուղղություններին:
ՀՀ և ՌԴ ԱԳ նախարարները քննարկել են Սոչիի եռակողմ հայտարարությամբ ձեռք բերված պայմանավորվածությունների կատարման ընթացքին վերաբերող հարցեր:
Երևանի նոր քաղաքապետը Հրաչյա Սարգսյանն է:
Կիևը պատրաստ է Ռուսաստանի հետ երկխոսության՝ ցանկացած ձևաչափով. Զելենսկի:
Ռուսաստանը, Իրանը և Թուրքիան պայմանավորվել են Թեհրանում 2022 թվականի սկզբին Սիրիայի հարցով գագաթնաժողով անցկացնել։
Կադիրովը Թուրքիային մեղադրել է ահաբեկիչներին սատարելու համար:
Հայաստանում հաստատվել է կորոնավիրուսի 152 նոր դեպք: Ապաքինվել է 153, մահացել 7 մարդ:
