Քվեարկել եմ հանուն բարեկեցիկ և ապահով Հայաստանի: Այս մասին լրագրողների հետ զրույցում ասաց «Պատիվ ունեմ» դաշինքի վարչապետի թեկնածու Արթուր Վանեցյանը՝ քվեարկելով 4/35 ընտրատեղամասում:
«Քվեարկել եմ հանուն բարեկեցիկ և ապահով Հայաստանի, հանուն մեր մեծ հայրենիքի, հանուն Արցախի և Հայաստանի ապագայի: Ես ասել եմ, որ այսօր ուղղակի ընտրություններ չեն, այսօր ընտրություն է հանուն Հայաստանի լինել-չլինելու»,- ասաց Վանեցյանը:
Պատասխանելով հետընտրական զարգացումների կամ բախումների մասին հարցին՝ Վանեցյանը պատասխանեց, որ կարծում է՝ որևէ հետընտրական զարգացում չի լինի:
