Ռուս խաղաղապահներն ինժեներական հետախուզություն և ականազերծում են իրականացրել Ստեփանակերտի հարավային արվարձաններում: Օրվա ընթացքում մաքրվել են ավելի քան 1 հա տարածք, 1 կմ ճանապարհ, հայտնաբերվել և ոչնչացվել են 2876 պայթյունավտանգ առարկաներ:
Ընդհանուր առմամբ, Արցախի ինժեներական ստորաբաժանումները մաքրել են ավելի քան 62 հա տեղանք, ավելի քան 21 կմ ճանապարհ, հայտնաբերել և վնասազերծել են ավելի քան 4000 պայթյունավտանգ առարկաներ:
Հայտնաբերված պայթյունավտանգ առարկաները, լքված կամ չպայթած զինամթերքը տեղափոխվում են հատուկ սարքավորված զինավարժարան և ոչնչացվում: Զինամթերքը, որը հնարավոր չէ տարհանել, ոչնչացվում է տեղում `անհրաժեշտ անվտանգության միջոցառումների ապահովման պայմաններում:
ՌԴ ՊՆ ականազերծման միջազգային կենտրոնի զինծառայողները շարունակում են աշխատել Արցախի ռուսական խաղաղապահ ուժերի պատասխանատվության գոտում:
Ռուս խաղաղապահների օգնությամբ ռազմական գործողություններից տուժած շրջաններում շարունակվում է կենսական նշանակության ինժեներական հաղորդակցությունների վերականգնումը: Անցած օրվա ընթացքում վերականգնվել են 4 հենասյուն և 1600 մ էլեկտրահաղորդալար, 1 կմ գազատար, 2200 մ կապուղի և 2 տրանսֆորմատորային ենթակայան:
