Դեպի Սիրիա ուղղություն է վերցրել ամերիկյան Harry Truman ատոմային ավիակիրը

Միջերկրական ծով է մտել և դեպի Սիրիա ուղղություն է վերցրել ԱՄՆ ռազմածովային ուժերին պատկանող Harry Truman ատոմային ավիակիրը: Ռազմանավն այնտեղ կանցկացնի որոշ ժամանակ և կուղևորվի դեպի Պարսից ծոց, որտեղ Harry Truman-ը կփոխարինի Abraham Lincoln ավիակրին, որը տարածաշրջանում է գտնվում նախատեսված 6 ամսից ավելի:

Նախատեսված էր, որ ավիակիրը պետք է Մերձավոր Արևելք ուղևորվեր դեռևս հոկտեմբերին, սակայն որոշ անսարքությունների պատճառով այն հետաձգվել էր: