Մելանյա Թրամփը` ՌԴ-Ուկրաինա նոր հնարավոր հրադադարի մասին

ԱՄՆ-ի, Ռուսաստանի և Ուկրաինայի ներկայացուցիչները բանակցում են հնարավոր հրադադարի շուրջ, որը կարող է հաստատվել մինչև Սուրբ Ծնունդ, հայտնել է Միացյալ Նահանգների առաջին տիկին Մելանյա Թրամփը։

Նրա խոսքով՝ առաջիկա տոներին ամբողջ աշխարհն ամենից շատ սպասում է խաղաղության։ «Բայց նախ և առաջ ես կցանկանայի ավելի շատ պայմանավորվածություններ ունենալ հրադադարի մասին։ Մենք կարող էինք շատ արագ դա անել Ուկրաինայի և Ռուսաստանի ցանկության դեպքում։ Արդեն բանակցում ենք»,- նշել է ԱՄՆ առաջին տիկինը։

Թե կոնկրետ ինչ հրադադարի մասին է խոսքը, նա չի հստակեցրել։ Հոկտեմբերի վերջին նրա միջնորդությամբ Խերսոնի մարզի ռուսական վերահսկողության տակ անցած Օլեշկի քաղաքում ժամանակավոր հրադադար հայտարարվեց։ Արդյունքում հաջողվեց մարդասիրական աջակցություն հասցնել տեղի բնակիչներին և տարհանում իրականացնել։

Օրերս Վլադիմիր Պուտինն առաջարկել է մարդասիրական առաքելություն իրականացնել Դոնեցկի մարզի Կոնստանտինովկա քաղաքում, որը, ըստ Մոսկվայի, անցել է ռուսական վերահսկողության տակ։ Կիևը հերքում է այս պնդումը։

Մանրամասները՝ միջազգային տեսաշարում։

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում