ՀՀ քաղաքացին աներկբա պաշտպանում է Իրական Հայաստանի գաղափարախոսությունը. վարչապետը՝ Տավուշում

Ճամբարակ-Բերդ «սարի ճանապարհը» դարձել է հոյակապ մայրուղի:

«Անկախությունից ի վեր այն երբևէ չի բարեկարգվել»,- Տավուշ ուղևորվելու ճանապարհին արձանագրել է վարչապետ Նիկոլ Փաշինյանը:

Հիմնանորոգված 40 կմ ճանապարհը առնվազն մեկ ժամով կրճատել է Երևանից Բերդ հասնելը: Առաջին անգամ ասֆալտապատվել է Չինչինի 9,8 կմ երկարությամբ ճանապարհը, խոստումը վարչապետը 2021-ին էր տվել:

Պետության ղեկավարի գնահատմամբ՝ Թթուջուր-Նավուր-Գանձաքար-Իծաքար ճանապարհը նշանակությամբ մոտ է Հյուսիս-հարավին:

«Սեպտեմբերին ասֆալտապատ ճանապարհ կունենա նաև Նավուրը»,- նշել է պետության ղեկավարը:

Այս ճանապարհներին հասանելի կդառնա նաև ինտերնետ կապը:

Սահմանամերձ Սարիգյուղ-Կիրանց, Ոսկեպար-Բաղանիս ճանապարհներին պետության ղեկավարը արձանագրել է՝ սա է իրական Հայաստանը՝ խաղաղ, անվտանգ, զարգացող ու հանգիստ:

Հեղինակ՝ Էմմա Վարդանյան