Կարևոր է, որ առաջընթացը շարունակվի. Մակրոնը՝ Հայաստան-Ադրբեջան կարգավորման գործընթացի մասին

Ֆրանսիայի նախագահ Էմանուել Մակրոնն իր թուրք գործընկեր Ռեջեփ Թայիփ Էրդողանի հետ քննարկել է Վաշինգտոնում նախագահ Դոնալդ Թրամփի հովանու ներքո Հայաստանի և Ադրբեջանի միջև կայացած հանդիպումը:

«Կարևոր է, որ առաջընթացը շարունակվի, ինչը հնարավորություն կտա վերաբացելու բոլոր սահմանները և ամրապնդելու տարածաշրջանային համագործակցությունը»,- նշել է Մակրոնը։

Երկու նախագահները քննարկել են նաև միջազգային օրակարգի այլ հարցեր: Կողմերը նշել են, որ ռուս-ուկրաինական հակամարտությունը պետք է ավարտվի, և Ուկրաինայի համար պետք է ստեղծվեն ամուր անվտանգության երաշխիքներ:

Մակրոնը և Էրդողանը նաև խստորեն դատապարտել են Իսրայելի կառավարության վերջին որոշումները Գազա քաղաքը գրավելու և Արևմտյան ափին նոր բնակավայրեր կառուցելու վերաբերյալ՝ նշելով, որ դրանք հակասում են խաղաղության ջանքերին։

Մանրամասները՝ Սյուզաննա Չրաղյանի ռեպորտաժում։