Ավագանու բոլոր այն անդամները, որոնք նստած են լինելու ավագանու նիստերի դահլիճում, դատապարտված են համագործակցել:
Այդ մասին լրագրողների հետ զրույցում ասաց Գյումրու քաղաքապետի թեկնածու Լևոն Բարսեղյանը («Եվրադաշինք»):
«Իրենք պիտի օրակարգ հաստատեն, Արթուր Ալեքսանյանին պարգևատրեն, կարիքավոր մարդուն ֆինանսական աջակցություն ցույց տան, բյուջե հաստատեն, հնգամյա զարգացման ծրագիր: Սա համագործակցություն է: Համագործակցելու դատապարտված են բոլորը»,- նշեց նա:
Հիշեցնենք՝ այսօր Արմավիրի մարզի Փարաքար և Շիրակի մարզի Գյումրի համայնքներում տեղի են ունենում ավագանու արտահերթ ընտրություններ։
Գյումրի համայնքի ընտրողների թիվը, ըստ Ներքին գործերի նախարարության միգրացիայի և քաղաքացիության ծառայության տվյալների, 111 236 է:
