Ավելի լավ արդյունք պատկերացնել չէինք կարող․ ամերիկյան կողմի գնահատականն է Էր Ռիադում ռուսական պատվիրակության հետ բանակցությանը: Ըստ ռուսական կողմի՝ պայմանավորվել են մոտ ապագայում ուկրաինական կարգավորման հարցով բանակցողներ նշանակել: Նաև կողմերի ներկայացուցիչներին հանձնարարվել է քննարկել՝ ինչ է անհրաժեշտ Պուտին-Թրամփ հանդիպման նախապատրաստման համար: Մինչև այդ, Ֆրանսիայի նախագահը հեռախոսազրույց է ունեցել ԱՄՆ նախագահի հետ, հետո զանգահարել է Զելենսկուն: Փարիզում եվրոպացի առաջնորդների, ԵՄ և ՆԱՏՕ ներկայացուցիչների մասնակցությամբ հանդիպման ավարտին մասնակիցները սահմանափակվել են առանձին հայտարարություններով, համատեղ կոմյունիկե չի ընդունվել:
Մանրամասները՝ Դիանա Գասպարյանի ռեպորտաժում։
