Իմ գլխին ոչ ոք զենք չէր դրել, և չէր կարող դնել: Իմ ուղերձում եմ ասել, որ եթե ես այդ թուղթը չստորագրեի, մեր 25-26 հազար զինվոր հայտնվելու էր շրջափաման մեջ: Այդ մասին ասուլիսի ժամանակ ասաց վարչապետ Նիկոլ Փաշինյանը՝ անդրադառնալով լրագրողի մեջբերմանը, թե վարչապետի աջակիցներից մեկը կարծում է՝ Էրդողանը և Ալիևը զենքը դրել էին Փաշինյանի գլխին և ստիպել են ստորագրել փաստաթուղթ:
«Իմ գլխին զենք դրված լինելու բերումով ո՛չ որևէ գործողություն երբևէ արել եմ, ո՛չ էլ որևէ գործողություն երբևէ կանեմ»,- ասաց նա:
Ինչ վերաբերում է բանակցություններում գերիների, պատանդների վերադարձի հարցը ընդգրկելուն, Փաշինյանը նշեց, որ այդ հարցը միշտ է օրակարգում:
