Վահագն Խաչատուրյանը Մոնտեվիդեոյում հարգանքի տուրք է մատուցել Ցեղասպանության զոհերի հիշատակին
Հանրապետության նախագահ Վահագն Խաչատուրյանը Մոնտեվիդեոյում այցելել է Հայաստան հրապարակ և հարգանքի տուրք մատուցել Ցեղասպանության զոհերի հիշատակին:
Նախագահի անունից ծաղկեպսակ է դրվել զոհերի հիշատակին նվիրված խաչքարի մոտ: Այնուհետև Ուրուգվայի խորհրդարանի պատգամավոր Պեդրո Խիսդոնյանի, առողջապահության փոխնախարար Խոսե Լուիս Սաջյանի և հայ համայնքի ներկայացուցիչներ Դիեգո Կարամանուկյանի ուղեկցությամբ նախագահ Վահագն Խաչատուրյանը շրջել է հրապարակում, ծանոթացել հուշահամալիրի կառուցման պատմության դրվագներին:
