Ուկրաինայի իշխանությունները հայտարարել են խաղաղ բնակիչներին տարհանելու նպատակով յոթ մարդասիրական միջանցք գործարկելու մասին: Փոխվարչապետ Իրինա Վերեշչուկի խոսքով՝ միջանցքներ կգործեն Մարիուպոլից, Բերդյանսկից, Լուգանսկի քաղաքներից և Նիժնեե գյուղից։
Նախօրեին Վերեշչուկը հայտնել էր, որ մարդասիրական միջանցքներով տարհանվել է 6200-ից ավելի մարդ։ Մարիուպոլից գնացքով Ռուսաստանի Նիժնի Նովգորոդ քաղաք է ժամանել ավելի քան 400 մարդ, որոնց գրեթե կեսը՝ երեխաներ։
Ռուսական կողմի տվյալով՝ նախօրեին Ուկրաինայի վտանգավոր տարածքներից տարհանվել է շուրջ 16000 մարդ։
