Հայ-չեխական տնտեսական գործակցության հարցերի միջկառավարական հանձնաժողովի հինգերորդ նիստին մասնակցելու համար Հայաստան էր ժամանել մեծ պատվիրակություն: Հայկական կողմից ոլորտային զեկույցներ էին պատրաստել գրեթե բոլոր նախարարությունների ներկայացուցիչները: Տեղեկատվական տեխնոլոգիաներ, կոմունիկացիա, էներգետիկա, գյուղատնտեսություն՝ բոլոր այս ոլորտներում մոտ ապագայում Հայաստանի Կառավարությունն ակնկալում է տեսնել չեխական կապիտալ: Որոշ ուղղություններով նախապատրաստվում են կոնկրետ ծրագրեր՝ նիստից հետո տեղեկացրեց էկոնոմիկայի փոխնախարար Վարոս Սիմոնյանը:
Վարոս Սիմոնյան (ՀՀ էկոնոմիկայի նախարարի տեղակալ) - Մենք ունենք կոնկրետ պայմանավորվածություններ, և աշխատանքային խմբերի միջև կա պայմանավորվածություն՝ համատեղ ծրագրերի իրականացում կոնկրետ ոլորտներում:
Չեխական կողմի հետ այժմ քննարկումներ են ընթանում Ստեփանավանի օդանավակայանի վերակառուցման հնարավորության շուրջ: Չեխիայի արդյունաբերության և առևտրի նախարարի տեղակալ Մարտինա Տաուբերովան հաստատեց՝ կա ստույգ հետաքրքրվածություն՝ իրագործել այդ նախագիծը:
Մարտինա Տաուբերովա (Չեխիայի արդյունաբերության և առևտրի նախարարի տեղակալ) - Չեխական ընկերություններից մեկը շահագրգռված է ներդրումներ կատարել Ստեփանավանի օդանավակայանում և մատակարարել այնտեղ փոքր ինքնաթիռներ: Սակայն խոսքը միայն մատակարարման մասին չէ, սա պետք է դառնա երկարաժամկետ նախագիծ:
Չեխական կողմի հետ նաև քննարկվում է վերականգնվող էներգետիկայի և դեղագործության ոլորտներում ներդրումների հնարավորությունը: Այժմ առևտրաշրջանառությունը երկրների միջև զգալի ծավալների չի հասնում: Սակայն ներուժն ակնհայտ է՝ արձանագրում են կողմերը:
Հայաստանը Չեխիայի համար կարող է բացել 180 միլիոնանոց Եվրասիական տնտեսական միության շուկան: Առևտրաշրջանառության ծավալներն ավելացնելու անհրաժեշտության մասին շաբաթներ առաջ հայտարարել են նաև Հայաստանի և Չեխիայի արտաքին գործերի նախարարները: Եվրամիության անդամ հանդիսացող երկրի գլխավոր դիվանագետի հետ Հայաստան էր եկել չեխ գործարարների մեծ պատվիրակություն:
Գևորգ Պապոյանն ընդունել է ՄԱԿ-ի Զբոսաշրջության համաշխարհային կազմակերպության գլխավոր քարտուղարին
Նիկոլ Փաշինյանն ընդունել է տնտեսագիտության Նոբելյան մրցանակակիր Աբհիջիթ Բաներջիին
Այլընտրանքը կարող է ՀՀ-ՌԴ առողջ հարաբերությունների հիմք լինել
ԽՍՀՄ-ից հետո ներդրված միակ տեխնոլոգիան տեսախցիկներն են. էկոնոմիկայի նախարարը՝ «Արարատցեմենտի» մասին
Վաչե Հովակիմյանը և Էդգար Հայրապետյանը լրացրել են միջազգային վարպետի երրորդ նորմաները․ Վաչեին պաշտոնապես կշնորհվի միջազգային վարպետի կոչում
Բեռլինի թանգարանային կղզու վեց թանգարանի ավելի քան 50 նմուշ է բերվել Հայաստան․ ցուցադրությունը կգործի մինչև մարտի 21-ը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
ՌԴ Պետդումա է անցել 5 քաղաքական ուժ
Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով
Հանրապետության Հրապարակը հիմա. վարչապետը տեսանյութ է հրապարակել