ՀՀ-ում կա ապագա, և ժողովուրդը միանշանակ և աներկբա հաղթելու է առաջիկա խորհրդարանական ընտրություններում. Փաշինյան
ՀՀ վարչապետի պաշտոնակատար, «Քաղաքացիական պայմանագիր» կուսակցության նախընտրական ցուցակը գլխավորող Նիկոլ Փաշինյանը Ֆեյսբուքի ուղիղ եթերով հայտնեց՝ այսօր՝ ժամը 20:00-ին, Հանրապետության հրապարակում տեղի է ունենալու կուսակցության եզրափակիչ նախընտրական հավաքը:
Փաշինյանը նշեց՝ հավաքը դառնալու է ամենամասշտաբայինը նախընտրական քարոզչության ընթացքում:
«Ես հանդես կգամ ծրագրային ելույթով, կխոսեմ մեր անելիքների մասին, և ամենակարևորը՝ այսօրվա իրադարձությունը, սակայն, պետք է դառնա ձեզնից յուրաքանչյուրի ներկայությունը Հանրապետության հրապարակում և արձանագրումը քաղաքացիական կամքի, միասնականության ՀՀ-ում, որով մենք պիտի աներկբա և աներեր արձանագրենք, որ ՀՀ-ում ապագա կա, որ ՀՀ-ում կա ապագա, և ժողովուրդը միանշանակ և աներկբա հաղթելու է առաջիկա խորհրդարանական ընտրություններում, որը տեղի է ունենալու կիրակի օրը»,- ասաց վարչապետի պաշտոնակատարը:
