Դատախազի կարծիքով՝ Քոչարյանի պաշտպանները ձգձգում են բուն դատավարության փուլին անցնելը

Ընդհանուր իրավասության դատարանի Շենգավիթի նստավայրում հետաձգվել է Մարտի 1-ի գործով ամբաստանյալ Ռոբերտ Քոչարյանի և մյուսների գործի հերթական նիստը: Քոչարյանի պաշտպան Հայկ Ալումյանը դժվարացել է կանխատեսել՝ արդյո՞ք հուլիսի 7-ին նշանակված ՍԴ-ի նիստը կկայանա ներկա կազմով: Քննարկման առարկան Քոչարյանին մեղսագրվող 300.1 հոդվածի սահմանադրականության հարցն է։ Մեղադրող կողմը կարծում է՝ քրեական օրենսգրքի հոդվածը հակասահմանադրական ճանաչելու հիմքեր բարձր դատարանը չունի: