ԱՄՆ նախագահ Դոնալդ Թրամփը հայտարարել է, որ այս շաբաթ Արևելյան Ասիա այցի ժամանակ կարող է հանդիպել Հյուսիսային Կորեայի առաջնորդ Կիմ Չեն Ընի հետ: Ֆիլիպիններ մեկնելուց առաջ լրագրողների հետ զրույցում Թրամփը նշել է, որ այնտեղ կարևոր հանդիպումներ և քննարկումներ են սպասվում:
«Այնուհետև կմեկնեմ Չինաստան, կհանդիպեմ նախագահ Սիի հետ: Մենք նաև կհանդիպենք նախագահ Պուտինի հետ»,- ասել է Թրամփը՝ հավելելով՝ հնարավոր է նաև հանդիպում Կիմ Չեն Ընի հետ:
Նրա խոսքով՝ կքննարկվի ապամիջուկայնացման հարցը, նաև անդրադարձ կլինի Իրանին և Ուկրաինային:









