Եվրոպայում ավիահաղորդակցությունը խաթարվել է ուղևորատար ինքնաթիռներում ռումբի տեղադրման մասին ահազանգերի պատճառով։ Սա այս շաբաթվա ընթացքում արդեն երկրորդ նման դեպքն է։
Ընդհանուր առմամբ, ահազանգեր են ստացվել առնվազն 25 չվերթի վերաբերյալ, որոնք իրականացնում էին Aegean, Finnair, Wizz Air, LOT, Ryanair և այլ ավիաընկերությունները: Մի շարք դեպքերում ինքնաթիռներին ուղեկցել են կործանիչները, որոշ ինքնաթիռներ էլ վերաուղղորդվել են այլ օդանավակայաններ կամ ռազմաբազաներ։
Ռումբի տեղադրման մասին ահազանգեր են ստացվել Պրահա ուղևորվող չորս չվերթի վերաբերյալ, սակայն ստուգումներից հետո պայթուցիկ սարքեր չեն հայտնաբերվել:
Սպառնալիքների մասին հայտնել են նաև Սալոնիկից և Պուրտուից դեպի Միլան, Դուբլինից և Հելսինկիից դեպի Հռոմ, Միլանից դեպի Բուխարեստ և Վարշավա, Լոնդոնից և Կոպենհագենից դեպի Սոֆիա մեկնող չվերթերը:
