Իրանի և Ռուսաստանի արտաքին գործերի նախարարներ Աբբաս Արաղչին և Սերգեյ Լավրովը բանակցություններ են վարել Թեհրանում, քննարկել երկկողմ, տարածաշրջանային և միջազգային օրակարգի տարբեր հարցեր:
Հանդիպումից հետո կայացած մամուլի ասուլիսում Լավրովը հայտարարել է, որ իրանցի գործընկերոջը տեղեկացրել է Ուկրաինայի շուրջ իրավիճակի զարգացման մասին: Նա նաև նշել է, որ Մոսկվան պատրաստ է աջակցել ԱՄՆ-ի և Իրանի միջև հակամարտության կարգավորմանը, որպեսզի Հորմուզի նեղուցի գործունեությունը վերադառնա մինչև ճգնաժամը եղած բնականոն ռեժիմին:
Արաղչին արդյունավետ է գնահատել Լավրովի հետ բանակցությունները: Նրա խոսքով՝ Իրանը և Ռուսաստանը մշտական խորհրդակցություններ են անցկացնում քաղաքական տարբեր հարցերի վերաբերյալ, այդ թվում՝ Պարսից ծոցի, Կովկասի, Ուկրաինայի և Թեհրան-Վաշինգտոն բանակցությունների: Արաղչին հավելել է, որ Իրանը և Ռուսաստանը համակարծիք են, որ Մերձավոր Արևելքում ներկայիս խնդիրները չի կարելի լուծել ռազմական ճանապարհով: Նա Հորմուզի նեղուցում իրավիճակի անկայունության համար մեղադրել է Վաշինգտոնին:
Միջազգային այլ լուրեր՝ Սյուզաննա Չրաղյանի տեսաշարում։
