Ազգերի լիգայի C2 խմբի չորրորդ տուրում Հայաստանի ազգային հավաքականը Պոդգորիցայում մրցեց խմբի ներկայիս առաջատար Չեռնոգորիայի հետ։ Թիմերը գրանցեցին գոլազուրկ ոչ-ոքի։ Այս մասին հայտնում է ՀՖՖ-ն։
«86-րդ րոպեին տանտերերը մնացին 10 ֆուտբոլիստով։ Նարեկ Հովհաննիսյանի նկատմամբ կոպիտ խախտման համար ուղիղ կարմիր քարտով խաղադաշտից հեռացվեց Ստեֆան Լոնչարը։
Խմբի մյուս խաղում Կիպրոսի հավաքականը 2-1 հաշվով հաղթեց Լատվիային։ Այս տուրից հետո Չեռնոգորիան 10 միավորով գլխավորում է C2 խմբի մրցաշարային աղյուսակը։ Կիպրոսը երկրորդ տեղում է, իսկ մեր ընտրանին՝ 4 միավորով, երրորդն է։ Վերջին հորիզոնականում Լատվիան է։
Ազգերի լիգայի այս խաղարկության խմբային փուլի վերջին երկու հանդիպումները Հայաստանի ազգային հավաքականը կանցկացնի նոյեմբերին։ Նոյեմբերի 12-ին կընդունենք Կիպրոսին, իսկ նոյեմբերի 15-ին կհյուրընկալվենք Լատվիային»,- ասվում է հաղորդագրության մեջ։
