Սեպտեմբերի 18-ին Պակիստանի հյուսիս-արևմուտքում՝ մզկիթներից մեկի մոտակայքում, տեղի ունեցած պայթյունի և կրակոցների զոհերի թիվն արդեն անցել է 30-ը: 100-ից ավելի մարդ վիրավորվել է: Փլուզվել է մզկիթի պատերից մեկը: Վնասվել են նաև մերձակա շինություններ։
ԶԼՄ-ների տվյալով՝ մզկիթը գտնվել է ոստիկանական բաժանմունքի հարևանությամբ: Վիրավորների թվում կան նաև ոստիկաններ։
Հաղորդվում է, որ պայթյունն իրականացրել է ինքնասպան ահաբեկիչը: Սակայն դեռ որևէ խմբավորում պատասխանատվություն չի ստանձնել տեղի ունեցածի համար:
Նշվում է, որ մզկիթի մոտակայքում փոխհրաձգության ընթացքում իրավապահ մարմինների աշխատակիցները վնասազերծել են վեց կասկածյալի։
