ԱՄՆ Ներկայացուցիչների պալատում ՌԴ-ի դեմ պատժամիջոցների մասին օրինագծի հաստատումը «ոչ բարեկամական գործողություն» է. Պեսկով
Մոսկվան ԱՄՆ Ներկայացուցիչների պալատում Ռուսաստանի դեմ պատժամիջոցների մասին օրինագծի հաստատումը համարում է «ոչ բարեկամական գործողություն» և ուշադրությամբ հետևում է դրա հետ կապված զարգացումներին՝ հայտարարել է Կրեմլի խոսնակ Դմիտրի Պեսկովը:
Նա նշել է՝ լրացուցիչ պատժամիջոցները, անկասկած, կբարդացնեն Ուկրաինայի հետ խաղաղության հասնելու ջանքերը:
Ավելի վաղ Կոնգրեսի ստորին պալատը 262 «կողմ», 159 «դեմ» ձայնով հաստատել էր Ռուսաստանի և Իրանի դեմ պատժամիջոցների մասին օրինագիծը և փաստաթուղթն ուղարկել նախագահ Դոնալդ Թրամփին՝ ստորագրման։ Այն կրում է հանգուցյալ սենատոր Լինդսի Գրեմի անունը, որը դրա գլխավոր նախաձեռնողն էր:
Օրինագիծն ԱՄՆ նախագահին լիազորում է մաքսատուրքեր սահմանել Ռուսաստանից էներգակիրներ գնող երկրների նկատմամբ, այդ թվում՝ Չինաստանի և Հնդկաստանի: Փաստաթուղթը նաև նախատեսում է պատժամիջոցներ ՌԴ նախագահի, նրա մերձավոր շրջապատի, բարձրաստիճան պաշտոնյաների, պետական ձեռնարկությունների, ռուսական բանկերի, էներգետիկ և պաշտպանական ընկերությունների ու «ստվերային նավատորմի» նկատմամբ։
