ԱՄՆ նախագահ Դոնալդ Թրամփն անդրադարձել է սեպտեմբերի 8-ին իր ռուս գործընկեր Վլադիմիր Պուտինի հետ հեռախոսազրույցին:
«Մենք հրաշալի զրույց ենք ունեցել: Նա ցանկանում է գործարք կնքել, և եթե Զելենսկին նույնպես ցանկանում է, դա շատ լավ կլինի», - նշել է նա: Թրամփը նաև չի բացառել Ռուսաստանի և Ուկրաինայի մասնակցությամբ եռակողմ հանդիպման անցկացումը:
Սպիտակ տան ղեկավարը նաև կարծիք է հայտնել, որ Իրանի հետ պատերազմը կավարտվի նոյեմբերին կայանալիք միջանկյալ ընտրություններից անմիջապես հետո: Այդ ժամանակ էլ, նրա համոզմամբ, նավթի գները կնվազեն: Թրամփը հավելել է՝ Իրանի հետ համաձայնագիրը պետք է ներառի շատ ավելին, քան միայն միջուկային ծրագրի հետ կապված հարցերը:
Ավելի ուշ Դալասում հանրապետականների հանրահավաքի ժամանակ Թրամփը խոստացել է 5000-ական դոլար վճարել ԱՄՆ յուրաքանչյուր չափահաս քաղաքացու, եթե միջանկյալ ընտրություններում հանրապետականները մեծամասնություն ստանան թե՛ Ներկայացուցիչների պալատում, թե՛ Սենատում: Ըստ Reuters-ի՝ դա կկազմի մոտ 1,35 տրիլիոն դոլար:
