Էրդողանն ու Մելոնին քննարկել են պաշտպանական համագործակցությունը

Թուրքիայի նախագահ Ռեջեփ Էրդողանը հեռախոսազրույց է ունեցել Իտալիայի վարչապետ Ջորջիա Մելոնիի հետ:

Կողմերը քննարկել են Թուրքիայի և Իտալիայի միջև հարաբերությունների զարգացումը, ինչպես նաև տարածաշրջանային և միջազգային հրատապ հարցեր:

Էրդողանը հայտարարել է Անկարայի և Հռոմի միջև բոլոր ոլորտներում համագործակցությունն ամրապնդելու մտադրության մասին՝ հատուկ ուշադրություն դարձնելով պաշտպանական արդյունաբերությանը: Նա նաև ընդգծել է երկկողմ հարաբերությունների հետագա զարգացման համար նոր քայլերի կարևորությունը:

Անդրադարձ է եղել Անկարայում կայանալիք ՆԱՏՕ-ի առաջիկա գագաթնաժողովին: