Հայաստանին շարունակում ենք համարել ՀԱՊԿ-ի լիիրավ անդամ. Մասադիկով
Հայաստանը չի մասնակցում ՀԱՊԿ-ի պաշտպանության նախարարների խորհրդի նիստին, որն անցկացվում է Մոսկվայի մարզում: Զուգահեռ՝ ՀԱՊԿ-ի գլխավոր քարտուղարը նշել է, որ Հայաստանին շարունակում են համարել կառույցի լիիրավ անդամ՝ չնայած կազմակերպության գործունեությանը Երևանի մասնակցության սառեցմանը: Տաալատբեկ Մասադիկովը հավելել է՝ հայկական կողմից այլ հայտարարություններ կամ որոշումներ դեռ չեն կայացվել՝ թեև նախընտրական քարոզարշավի ընթացքում տարբեր հայտարարություններ են հնչել:
«Կարծում եմ՝ համապատասխան որոշումը կկայացնեն Հայաստանի ժողովուրդը և ղեկավարությունը: Առայժմ նրանք ՀԱՊԿ անդամ են»,- ընդգծել է գլխավոր քարտուղարը:
Մասադիկովը կարծիք է հայտնել, որ ԵՄ-ին անդամակցության դեպքում Հայաստանը չի կարող ԵԱՏՄ-ի մաս մնալ, առաջ կգան տեխնիկական խնդիրներ:
Մանրամասները՝ տեսաշարում:
