Թրամփը հայտարարել է Իրանի հետ բանակցություններում «բավական լավ լուրերի» մասին
ԱՄՆ նախագահ Դոնալդ Թրամփը հայտարարել է Իրանի հետ բանակցություններում «բավական լավ լուրերի» մասին, սակայն զգուշացրել է, որ հրադադարը կարող է ավարտվել առանց համաձայնության:
«Մենք բանակցություններ կվարենք հանգստյան օրերին։ Ես ակնկալում եմ, որ ամեն ինչ լավ կընթանա։ Հարցերից շատերն արդեն քննարկվել և համաձայնեցվել են»,- նշել է Թրամփը, հավելել՝ ԱՄՆ-ի գլխավոր պայմանն այն է, որ Իրանը հրաժարվի միջուկային զենքից:
Միևնույն ժամանակ Սպիտակ տան ղեկավարն ակնարկել է, որ պայմանավորվածությունների բացակայության դեպքում ԱՄՆ-ը կարող է հրաժարվել հրադադարից և շարունակել ճնշումը, ներառյալ՝ իրանական նավահանգիստների շրջափակումը:
Լրատվամիջոցների փոխանցմամբ՝ իրանցի պաշտոնյաներն էլ հայտնել են, որ ԱՄՆ-ի և Իրանի միջև բանակցությունների նոր փուլը նախատեսված է երկուշաբթի Իսլամաբադում:
