Հայաստանի աշխատանքի և սոցիալական հարցերի նախարարությունից հերքում են սոցցանցերում տարածված լուրերն այն մասին, որ Կառավարությունը քաղաքացիներին գումար է բաժանում։
«Սոցիալական մեդիայում, մասնավորապես ՏիկՏոկի նորաստեղծ էջերի միջոցով, տարածվում է կեղծ տեղեկություն այն մասին, թե իբր Կառավարությունը քաղաքացիներին գումար է բաժանում։
Տեղեկությունը չի համապատասխանում իրականությանը»,- հայտնում են նախարարությունից՝ քաղաքացիներին հորդորելով չտրամադրել իրենց անձնական տվյալները, չանցնել կասկածելի հղումներով և պահպանել զգոնություն։
