ԱՄՆ և Ուկրաինայի բանակցային խմբերը համաձայնության են եկել «թարմացված և կատարելագործված խաղաղության նախագծի» շուրջ և նախատեսում են առաջիկա օրերին շարունակել «ինտենսիվ» աշխատանքը։
Ինչպես հայտնում է BBC-ն, երկրների համատեղ հայտարարության մեջ ասվում է, որ Ժնևում ԱՄՆ-ի ծրագրի շուրջ բանակցությունները չափազանց արդյունավետ են եղել։
Ըստ ԱՄՆ պետքարտուղար Մարկո Ռուբիոյի` խաղաղության ծրագրի շուրջ հսկայական առաջընթաց է գրանցվել, որը զգուշորեն ողջունել է Ռուսաստանը, բայց ոչ Կիևը և Եվրոպայի առաջնորդները, որոնք այն համարել են չափազանց ձեռնտու Կրեմլին։
Ռուբիոն հայտարարել է, որ դեռ կան որոշ աշխատանքներ, գլխավոր նպատակն էր փորձել բոլոր բաց հարցերը սեղմել ԱՄՆ 28 կետանոց ծրագրում: Ըստ ԱՄՆ բարձրաստիճան դիվանագետի` վերջնական համաձայնագիրը պետք է համաձայնեցվի Ուկրաինայի և ԱՄՆ նախագահների կողմից, նախքան այն Ռուսաստանին ներկայացվելը, և որ որոշ հարցեր դեռևս քննարկվում են:
Միաժամանակ, Ուկրաինայի նախագահ Վոլոդիմիր Զելենսկին նկատել է՝ կան ազդանշաններ, որ նախագահ Թրամփի թիմը լսում է Ուկրաինային:
ԱՄՆ-ի առաջարկած նոր ծրագիրը դեռևս ամբողջությամբ հրապարակված չէ:
